تشبه لـ ابوها

[عامر عمار]

الأخوه والأخوات النوادر والنادرات

السلام عليكم

كانت من المفقودات

وبعثت لتحضى بقراءتكم

القصيده:

مرّت وجتني لافيه مدري منين=مثل الهبوب اللي تدرّج غمامه
يفرح بها وان جت شمال البعيدين=وتفرح بها لو جت جنوب اليمامه
فوق اشتعال البرق بين الحميمين=هلّت مدامعها تبل العدامه
كالدمعه اللي غادرت رمشة العين=مرّت على الشامه وخطّت علامه
وجه القمر في ليل نيِّف وعشرين=غاشيه من شدّة حياها لثامه
ليل رمضانه عام بين الهلالين=وفرضٍ على كل المداين صيامه
تعوذ بالله من عيون الشياطين=وتذكِّر الشايب بليلة فطامه
كن النهار اللي من سنين و دنين=ماحال دونه ليل واسدل ظلامه
أمسه غدير وغِبِّه اللعب في الطين=الحَرصْ من سلواه ينسى غلامه
ياحيف يا بطن الثرى وش تخبين=ما ضر سيلك غير عرق الثمامه
جالٍ فرش فوقه بختري وياسمين=وجالٍ جرف قبره وبيّن عظامه
ارض الخزامى اللي عن القبر مترين=يشوبها راسه وعضمة ابهامه
ان قلت هامه قصها السيف نصّين=هذا حماه وغالب الظن هامه
ويوم اتخيلها بتفكير هالحين=اقول بيضه في مرابض نعامه
عديت من سود الأثاثي ثلاثين=ولقيت قدام الأثاثي زمامه
مدري من اللي كان عند المواعين=ولا ادري عليهن فاح كم من كرامه
لقيت كل آثارهم غير ثنتين=باقي عصا شلفاه.. باقي حسامه
يا شامة الاطلال ثالث حصاتين=ما كنها الا يوم احلي وشامه
مروه هجينه تايهه بين لونين=حلّة بهاء ممزوج شامه بيامه
قولة سقى الله يوم كنا بزارين=تجيب خشف الريم حزّة ريامه
ما احلى من احلام البراءه قرابين=على بحر موجه يلملم حطامه
الا زهو ينتاب بنت السلاطين=نديمها رغباتها من دوامه
ان عاملته بلينها وانتهى اللين=اقصى حدود اللين بعض الصرامه
وان خيرته وحطته بين جيلين=أصبح وجود الشي مثل انعدامه
تشبه لبوها قدوته يوم حطين=تسبر حصون القلب قبل اقتحامه
لي من صبور الوجد سَن السكاكين=وله من جزور المجد ذروة سنامه

[سعود الحافي]

عامر ..

جيت بأختار منها بيت ولابيتين بنسخه لقيتهااا كلها جوهره مرصعه بالألماس


أبو عمروو ...

الجواهر مكانها في أعماق البحار ولاياصلها سواء السباح الماهر وأنت قد وصلت لها

وشهادتي فيك مجروحه

صح كلك..

ولك ووودي

[شفق السريّع]

الراقي ابو عمر..

تكتب شعراً فاخراً.. و ذوقاً راقياً..


لله درك يا ابو عمر


يشدني اسلوب الفنتازيا في الشعر...


لا أدري... بأي فكر ٍ تهذي شعراً...


لكنك تكتب ما لا تتوقعه الأحرف الشعريه...



تحياتي يا كبير



ش. س.

[فتون العنزي]

(1)

[فتون العنزي]

وَضْاءٌ أنْت كَمْا تَقَاسِيمُ الشَمْس
تَلفحُ الْحُروفَ تَمرُداَ لِتستَنْزِف مِنْ بُزوغ العَبق سَلسبيلا



العامر..

أَوشَكتُ على حفظ أبياتُك إعجاباً
صح يراعُك سيدي



طِبت

[محمـد الكرشمي]

الريس

بجي انتظرني


تقديري

[شماليه]

عامر عمار..

مايذهلني...انك تقف على الضفه..التي لايقف عليها احد..

هذه القصيده مازالت تأسرني مذ قراءتها في غير مكان..

يستوقفني بها كل شطر...كل حرف..كل نفس

كل شي هنا مختلف...لايمر بين الاجفان ببساطه..

كن النهار اللي من سنين و دنين00ماحال دونه ليل واسدل ظلامه

تختلط الدهشة بشئ من الحنين والاهات ..!

ياااه ياعامر...

قناديل الشعر هنا..قادره ان تضئ لنا عمر باكمله...

عديت من سود الأثاثي ثلاثين00ولقيت قدام الأثاثي زمامه

مدري من اللي كان عند المواعين00ولا ادري عليهن فاح كم من كرامه

لقيت كل آثارهم غير ثنتين00باقي عصا شلفاه.. باقي حسامه

بربك / كم من الوقت يلزمنا...لنستوعب كل هذا الابداع....؟؟

معشب هذا النص..بالجمال..

وصاحبه ربيع دائم..

دمت لنا.....

اختك

[لميـــاء]

عامر ..
نص يمتلك الجزاله والمعنى ..بأجمل الصور الشعرية ..
لله درك ..

[متعب العتيبي]

صح لسانك يابو عمرو

ولاهنت ولاندمت

[عبود السميري]

ابو عمرو


والله اني احبك واحب قصيدك


علم

ياعامر

[الفرس]

رااااائعه هالكلمات


صح لساانك عامر


مبهر حقاا

[عامر عمار]

المشاركة الأصلية كتبت بواسطة سعود الحافي

عامر ..

جيت بأختار منها بيت ولابيتين بنسخه لقيتهااا كلها جوهره مرصعه بالألماس


أبو عمروو ...

الجواهر مكانها في أعماق البحار ولاياصلها سواء السباح الماهر وأنت قد وصلت لها

وشهادتي فيك مجروحه

صح كلك..

ولك ووودي

شكرا لذوقك يا سعود

ردك اثلج صدري


قليل امام ماعندكم يا ابو هملان

فلا هنت

[عامر عمار]

المشاركة الأصلية كتبت بواسطة شفق السريّع

الراقي ابو عمر..

تكتب شعراً فاخراً.. و ذوقاً راقياً..


لله درك يا ابو عمر


يشدني اسلوب الفنتازيا في الشعر...


لا أدري... بأي فكر ٍ تهذي شعراً...


لكنك تكتب ما لا تتوقعه الأحرف الشعريه...



تحياتي يا كبير



ش. س.

الرقي رقي ردك يا ابو مهنا

اسعدني انها نالت استحسانك

الشكر لا يفي ردك عرفانا

دام توجدك

[عامر عمار]

المشاركة الأصلية كتبت بواسطة فتون العنزي

وَضْاءٌ أنْت كَمْا تَقَاسِيمُ الشَمْس

تَلفحُ الْحُروفَ تَمرُداَ لِتستَنْزِف مِنْ بُزوغ العَبق سَلسبيلا

العامر..

أَوشَكتُ على حفظ أبياتُك إعجاباً
صح يراعُك سيدي

طِبت

بالطيب تمتشق الحروف لمقدم اطراء

وتتعانق اعناق القافيه بهرجا

اينما تقع خطى حرفك

فتون

وللحديث شجون

شكرا لما وشحتي به تواضع حروفي من كبرياء

وشكرا لما ذرفت به اقلامك من عطاء

ممنون

[شجن]

رااااائع ياعامر

اطرب لقصائدك

واستمتع به لحد الثماله

صح بوحك ونبضك

تقبل تواجدي وتقديري

دمت

[سعود المسعودي]

ابو عمرو

أحد المبدعين الذين اذا كتبوا أجادو واذا رسموا ابهروا



حروف من ذهب



أنت تكتب للنخبه




تنتقي حينما تغوص ولاتأتي الا بالدر الثمين صياد ماهر للحروف المرصعه بالألماس




مدرستك لايوجد فيها الا فصل واحد ومعلم واحد وطلابك كثر





فارس تمتطي صهوة جواد الحرف في ميادين الشعر

[بنت بغداد]

قصيدة رائعه
سلمت يمينك على هالابدااااااااع
دمت ودام ابداعك
لله درك

[محمد عايش]

الله الله


لله درك


شاعر جزل

صح السانك

ملايين