رحت اتمشــى على الديره وذيك البـلآد = واكثر من الذكريات اللي بقت مالقيت

لقيت لي دار لابستن ثياب الحداد = الحزن خيـم عليها كلها بيت بيت

حتى المزارع نبت فيها السلـم والعراد = لو قبت النار فيها ولعت كمبليت

ماكنها موطن الربع الغلآظ الشداد = اللي لهم سجل التاريخ سمعه وصيت

رعاهم الموت رعي الارض بعد الجراد = عزاه ياهل القبور ألي لهلها دعيت

يالله تغفرلهم يامن خلقت العباد = ياغافر الذنب يامن في حماك احتميت

ذاقو قسات الحياة وجاهدوها جهاد = ربعن تنومس ليا ناديتهم واعتزيت

شجعان لن راحت الدعوة زعام وعناد = يشهدلهم فعلهم ياللي بهم مادريت

فرسان فالحرب تعرفهم ظهور الجياد = تعرفهم ارض الحجاز ونجد وارض الكويت

اهل الخيول الاصايل والسيوف الحداد = إليا تذكرت ماضيهم عليهم بكيت

ماتو ولامات من خلف لربعه وفاد = خلف سلآطين منسبها قبيله ثبيت

ربعي بني عاصم ألي فوق ظهر الشداد = في ذمتي لو تخاويهم سنه مارتزيت

هذا كلآم الحقيقه والكلام الوكاد = ماقلت حاجه غلط ولابشـي افتريت

هذه الابيات قلتها في رحيل الشيخ /
ضيف الله بن صالح بن حمد
شيخ قبيلة ذوي عيش من المغايره
من الروقه من عتيبه
الله يرحمه

السلام عليكم ورحمة الله وبركاته
أولا ً كل عام والجميع في خير
وتقبل الله منا ومنكم الصيام والقيام
لاترتقي لمستوى قصيدة وإنما أبيات
متواضعة آمل أن تروق لكم:

الله من قلبن هجوسه مناديب = سجة ضلوعه مثل سج الرهيفه
تنادبني مثل حر المشاهيب = حزة هجوع الخلق وقت النصيفه
واطرت علي ابيات بعض اللواعيب = اهل البيوت الصارمه والمنيفه
الي على الاطلال فوق المراقيب = قد صخروا شرد الهجوس المخيفه
ومن فوق قبن تدحم الجمع لاهيب = قد فرقوا بين الوليف ووليفه
باسباب بيتن من لسان المعاطيب = اهل الفعول الماضيات الكليفه
نطاحة القاله بوقت المواجيب = وريف المسير في شتاه ومصيفه
هذا لزوم الشعر وقت المطاليب = ماهي طوارن في زمنا كسيفه
اعلامنا يركض وراء فرية الجيب = اقصد وتلقى في زمنا وظيفه
الشهره الي من وراها مكاسيب = مانقصت قدر الزحول العفيفه
ماطلعت غير الخبول المصاويب = اهل الخنا واهل العلوم المجيفه
من كثرة المسكر طلع يعلم الغيب= واصبح خويي الجان واصبح حليفه
ماتردعه شيمه ولايردعه عيب = ويسب جاره وابن عمه وضيفه
ويذكر عفاف وريم بالحب والطيب = وفيها الجمال الي يذوب لطيفه
ويشحذ عماره كل ابوها سراديب = ويشحذ ملك من شان فله نظيفه
شلة سرادن كل ابوها عذاريب = تبغى تنافس بالهروج السخيفه
والي يدور في زمنا مشاذيب = يلقى علوم اهل العقول الخفيفه
والذيب يقنب والعرب حافها الريب = اسحم ظهر مالد عينه بجيفه

بسم الله الرحمن الرحيم
السلام عليكم ورحمة الله وبركاته
رمضان كريم
بعض الرجال يملك بمعروف وبعضهم يهبا

أجمع من الدنيا وللازم رجال
,,, وراجع حسابك فالصباح وفالمساء

وياكثر من مثلك يعبدون الريال
,,, لكن وش مقدارهم وقت القساء

القل مانقص كريمين السبال
,,, والمال لو يرفع رفع بعض النساء

عش في رخى الدنيا وخلك فالظلال
,,, والا الرجال تقول لعل وعساء

ومثلك حياته كلها روووح وتعال
,,, ناقص وعن روس المراقيب يخساء

من سطوح الغرام اللي جمعتنا يوم يا جاره=رسلت اغلى مراسيل الخفوق و جيت لك شاري
طرقت الباب و الخفـّاق جايب لك معه بشاره=تعالي و اسمعي وش قال قلبٍ دندن اوتاري
يبي يوثـّق لك احساس ٍ عزفه الشوق بأوتاره=و يكتب بالوفا عقدٍ على طول العمر ساري
وصفتك والقصيد لروعتك ما تكفي احباره=لأن انتي كثير احلى من اللي قلت بأشعاري
على كثر العذارى البيض ما قد شفت نوّاره=ابد ما غيرك انتي بس صبيّه تلفت انظاري
انا اشهد صابت الغيره بناتٍ تسكن الحاره=يمدحون الحلا بك بس و غيرك ماله أي طاري
واذا جات السوالف عن جديد اللبس و اخباره=شغلهم حلو ملبوسك لأنه يجذب اجباري
اذا غيرة بنات الغيد صارت تجدح شـْراره=اجل ما ألوم قلبي فيك لو جنّ و لي اعذاري
خجلك و لمسة خدوك / حلاك و باقي اسراره=دلعك و حمرة شفاهك و عين ٍ تروي انهاري
أمر البيت كل ليلة سهر و اكتب على جداره=احبك مووت و افهمها عساك انت الذي قاري
ادور بكل صكيك الحي يمكن نلتقي تاره=غريبه من الصكيك بْـجد ما جابت لك اخباري
متى يا زين نتوالف تحت سقفٍ بنى ادواره=اشوفك كل حين و حين وانتي ورده بداري